История - это роман, в который верят, роман же - история, в которую не
верят.
М. Сафир
|
|
№ 4
1238 Г. МАРТА 4. - БИТВА НА РЕКЕ СИТИ
...И уже исходящу февралю месяцу приде вестник к великому князю Юрыо Всеволодичю, и к брату его Святославу Всеволодичю, и к братаничем их к Василку Констентиновичю, и ко Всеволоду Констянтиновичю и к Володимеру Констянтиновичю, яко град Владимер взят бысть, и епископ, и великая княгини, и князи, и вси людие сожжени быша, а инии избиени, и «старейшаго сына твоего Всеволода и з братьею вне града убиша, а к тебе идут»... И жда брата своего Ярослава, и не бе его, и повеле воеводе своему и окрепляти люди и готовитися на брань, и после мужа храбра Дорофея Семеновичя и с ним три тысящи мужей пытати татар. Он же мало отшед и паки возвратися, глаголя сице: «Господине княже! уже обошлись нас татарове».
То же слышав князь Юрьи, всед на конь с братом Святославом, и с сыновцы своими: с Василком, и Всеволодом, и с Володимером, и с мужи своими, и поидоша противу поганых. И начя князь велики Юрьи Всеволодичь полки ставити, и се внезапу приспеша татарове на Сить противу князю Юрыо. Князь же Юрьи, отложив всю печаль, и поиде к ним; и съступишася обои полцы, и бысть брань велика и сеча зла, и лиашеся кровь аки вода, и попущением божиим победиша татарове русских князей, и ту убиен бысть князь велики Юрьи Всеволодичь Владвмерский, и многие воеводы его и боаре, и воиньство его избиено бысть. А братаничя его князя Василка Констянтиновичя Ростовского руками яша и ведоша его с собою до Шероньского леса, и с таша станы ту.
ПСРЛ, т. I. М., 1962, стр. 519.
|
