История - это роман, в который верят, роман же - история, в которую не
верят.
М. Сафир
|
|
№ 6
1520 Г. - НАКАЗ ВЕЛИКОГО КНЯЗЯ ВАСИЛИЯ ИВАНОВИЧА, ДВОРЕЦКОМУ И. Ю. ШИГОНИНУ-ПОДЖОГИНУ, ПОСЛАННОМУ К БРАТУ ВЕЛИКОГО КНЯЗЯ УГЛИЧСКОМУ КНЯЗЮ ДМИТРИЮ ИВАНОВИЧУ ДЛЯ ОБЪЯВЛЕНИЯ ЕМУ ВЫГОВОРА ЗА НЕПОСЛУШАНИЕ
А се говорити от великого князя князю Дмитрию Ивановичу Ивану Шигоне наедине.
Князь великий велел тобе говорити: Брате, положы на своем разуме — гораздо ли так делать? Помнишь, как нам отец наш наказывал меж собя быти, как мне велел отец наш с вами жыти? И как вам, нашей братье, велел со мною жыти? И как мне вас, свою братью, велел держати, и как вам, нашей братье, велел меня держати. И яз, брате, к тебе о которых делех о своих приказывал с своими детьми боярскими, чтоб еси нам в козельских делех и в Ушатого управу учинил. И ты нам не мол, в тех делех управы не учинил, но еще еси сверх того па Ушатого землю посылал, а велел, еси Ушатого деревни грабити. А нам еси с нашыми детьми боярскими ответ не потому учинил, как было пригож тебе нам ответ учипити. А которую есмя свою грамоту послали к тебе с Федорцом з Борисовым, и ты нам против тое грамоты и ответа пнкакова не учинил. А ныне еси брат наш того болыпы нам непригоже учинил, прислал еси к нам паробка (отрок, прислужник) такова, какова была тебе паробка к нам непригож послати. А писал еси к нам в той грамоте о таких о великих делех нам вычитая (нас упрекая).
Князь великий велел тобе говорити: Ино, брате, попамятуй, как отец наш князь великий Иван в своей духовной грамоте написал, а у тобя с тое грамоты список есть. И писано в отца нашего грамоте: приказываю своих детей меньших Юрья, Дмитрия, Семена, Андрея своему сыну большему, а их брату старейшему Василью. И вы, мои дети меньшие, Юрьи, Дмитрей, Семен, Андрей, моего сына большего, а своего брата старейшаго Василья держите в мое место отца своего, и слушайте его во всем. А ты, сын мой Василей, свою братью меньшую держы во чти без обиды.
Князь великий велел тобе говорити: И яз, брате, того не ведаю, которую семи тебе нечесть и обиду учинил. А ты ко мне так отвечивал с нашыми детьми боярскими и в грамоте еси в своей к нам ныне писал, ино, брате, так ли отцу отвечивают и в грамоте пишут.
Князь великий велел тобе говорити: И яз, брате, ныне приказал то к тебе того дела, что есмя как наперед того отца своего наказ памятовал, так и ныне отца своего наказ памятуем, и вперед отца своего наказ хотим памятовати. И для своего к тебе жалованья и для своего добра, как есми тебя, брата своего, жаловал и добро свое к тебе держал и свыше иных своей братьи, да и для того, чтоб которой наш недруг тому не радовался, а иной есть и таков, которой и наш тому лиходей ныне порадовался, которой меж нас лиха хочет.
Акты исторические, т. I, СПб. 1841, № 291, стр. 530-531.
|
