История - это роман, в который верят, роман же - история, в которую не
верят.
М. Сафир
|
|
№ 5
1495-1499 ГГ. - ИЗ ГРАМОТЫ, ДАННОЙ ПОПУ ГРИГОРИЮ, СУДИВШЕМУСЯ ЗА ЗЕМЛЮ С КРЕСТЬЯНАМИ
По великого князя грамоте Ивана Васильевича всея Русии, сий суд судил Бурец Иванов сын Скрипицына. Став на Покровской земле на монастырской на ржи и на яри у деревни, тягался поп Григорей покровской с Родукою с Онфуковым сыном да с Нестериком з Дешевкиным.
Тако рек поп Григорей: Жалоба ми, господине, на того Родюку да на Нестерика, — поставили у меня, господине, сее весны на поле на ржи и на яри о Офонасьеве дни ту избу да клеть силно, да и пожни мои, господине, покосили на пять рублев, а досталь, господине, пожен потравили. А та, господине, земля великого князя монастырская Покрова святей богородицы истарины, пашу, господине, яз ту землю двацать лет без лета. А преже меня, господине, у тое церкви служили игумены и попы, а ту, господине, землю пахали, а пожни косили. А ту, господине, рожь и ярь, на коей стоим, сеял яз, высеял, господине, тое ржи десять четвертей, а овса пятнадцать четвертей, да две четверти ярицы.
И судья спросил Родюка да Нестерика: Отвечайте!
Родюка да Нестерик тако рекли: Ту, господине, избу да клеть ставили мы, а ту, господине, рожь и ярь сеяли мы же, а высеяли есмя, господине, тое ржи пятнадцать четвертей, а овса пятнадцать жо четвертей, да полчетворты ярицы. А те, господине, пожни косили мы да и травили, да и досталь нам, господине тое деревни пожни косити.
И судья спросил Родюки да Нестерика: Почему вы на той земле избу да клеть поставили, и землю пашете, и пожни косите?
И Родюка да Нестерик тако рекли: Дали пам, господине, ту землю становичи Михайловского стану и грамоту нам, господине, на ту землю дали. А та, господине, земля — становая Михайловского стану, а не монастырская...
АСВР, т. I, АН СССР. М, 1952, № 582, стр. 460.
|
